DE MAN DIJ GOIE PAKKEN DROUG
Ik dailde t ber mit n man dij goie pakken droug, schounen
om veur op knijen te goan.
Zien oorkes haar hai volstopt mit muziek.
Ien n veujoar gruide n stroekje verstandege opmaarkens
oet zien mond. t Stroekje wer n boom
en man verdween ien grond.
Nou droag ik zien pakken, ze zitten mie wat krap,
net zoas mien toentje onderhand
te klaain wordt veur de boom.
De waarkelkhaid aanvoard ik.
Der is mor waaineg informoatsie neudeg
om wereld te begriepen.