NGIPH’INDAWA’ENHLIZIYWENI YAKHO
Ngivumele ngitsho awothando
Asind’umphemulo wami.
Ngivumele ngethul’umthwalo
Oqukethwe yinhliziyo yami
Ehlatshwa yimikhonto
Yothando lezinhlungu zalo.
Yizwa ngokuvulel’isifuba
Ngivumele ngikonge ngawothando
Ngizokolela kwezam’ingalo
Ngikunyenyezel’imizwa
Ukuze ngithundubez’imikhonto
Egwaz’I inhliziyo yami.
Lalela wena la mazwi
Aquketh’izibiliboco zendlebe Ezofel’ezindlebeni zakho.
Maziyithumbi’inhliziyo yakho
Eyakho langa lomphefumulo wami,
Eliphume ngaqhaqhazela.
Nguwe wedwa tshatshazi lami
Ongaqed’isililo senhliziyo yami
Ngokutsho libe linye nje
Eliyohab’inhliziyo yami.
Ngitshel’ukuthu ngiyifumene
Indaw’enhliziyweni yakho.